News News

የውሃ፣ መስኖና ኤሌትሪክ ሚኒስቴር የኦዲት ግኝቶችን ፈጥኖ ማረምና ግልጽነትና ተጠያቂነት ያለው አሰራር ሊኖረው እንደሚገባ ተብለዋል

የውሃ፣ መስኖና ኤሌትሪክ ሚኒስቴር  የኦዲት ግኝቶችን ፈጥኖ ማረምና ግልጽነትና ተጠያቂነት ያለው አሰራር  ሊኖረው እንደሚገባ የመንግስት ወጪ አስተዳደርና ቁጥጥር ጉዳዮች ቋሚ ኮሚቴ አሳሰበ፡፡

ጥር 1 ቀን 2011 ዓ.ም የኢፌዴሪ የህዝብ ተወካዮች ምክር ቤት  የመንግስት ወጪ አስተዳደርና ቁጥጥር ጉዳዮች ቋሚ ኮሚቴ በፌዴራል ዋና ኦዲተር መስሪያ ቤት  በውሃ፣መስኖና ኤሌትሪክ  ሚኒስቴር  በዛሬማ ሜይዴይ እና በመገጭ የመስኖ ግድብ ግንባታ ፕሮጀክቶች አፈጻጸም ላይ የተገኘውን የክዋኔ ኦዲት ሪፖርት መሰረት በማድረግ  ተወያይቷል፡፡

ቋሚ ኮሚቴው ተቋሙ የተፈጠሩ ስህተቶችን በወቅቱ እንዲታረሙ የማድረግና ተጠያቂነት የመፍጠር ሃላፊነት እንዳለበት ጠቁሞ ስለፕሮጀክቶቹ አዋጭነት ጥናት በወቅቱ ያልተሰራለት መሆኑ፣የጸደቀና የተሟላ ዲዛይን ሳይኖር ስራ መጀመሩ፣የመንግስትን የግ¡ መመሪያ በጣሰ መንገድ የተከናወኑ ግ¡ዎች መኖራቸው እና ወጪን በሚመለከት ለዛሬማ ሜይዴይ የመስኖ ግንባታ ከ4.1 ቢሊዮን ወደ 14.5 ቢሊዮን  ለመገጭ የመስኖ ግንባታ ከ2.4 ቢሊዮን 5.6 ቢሊዮን ብር ክፍያዎች ማሻቀባቸው፣ የአማካሪው ድርጅት ሪፖርትና የሚኒስቴር መስሪያ ቤቱ የአፈጻጸም ሪፖርት መለያየትና የመረጃ አያያዝ ድክመቶች እንዲሁም ለህብረተሰቡ የሚገባውን ጥቅም ለመስጠት በወቅቱ አለመድረሱ  በክፍተት አንስቷል፡፡

የፌደራል ዋና ኦዲተር መስሪያ ቤት ዋና ኦዲተር አቶ ገመቹ ዱቢሶ በበኩላቸው ሁለቱም ፕሮጀክቶች የጥናትና የዲዛይን ችግር እንዳለባቸውና ዲዛይን ሳይጸድቅ ወደ ስራ መግባት ትክክል እንዳልሆነ፣ የሚፈጸሙ ግ¡ዎችም የሃገሪቱን የግ¡ መመሪያ የተከተሉ መሆን እንዳለባቸው ገልጸዋል፡፡ ክፍተቶች ተለይተው መጠየቅ ያለበት አካል መጠየቅ እንዳለበትና መስሪያ ቤቱ ኦዲቱን እንደገና አይቶ እርምጃ የተወሰደባቸውንና የተስተካከሉ ጉዳዮች ካሉ በዝርዝር ሪፖርት ተዘጋጅቶ እንዲደርሳቸው ጠይቀዋል፡፡

የውሃ፣መስኖና ኤሌትሪክ ሚኒስቴር ሚኒስትር ዴኤታ ዶ/ር አብርሃ አዱኛ እና ሌሎች የስራ ሃላፊዎች ምላሽ ሰጥተዋል፡፡ አንዳንድ ጉዳዮች በተሰጠው አቅጣጫ መሰረት እየሰሩ መሆኑንና መስተካከላቸውን፣የወጪዎች ከፍ ማለት የተፈጠረው ከቴክኒካል ዕውቀት ማነስ እንደሆነ እና ግ¡ን በሚመለከት ግ¡ውን ያከናወነው የስኳር ኮርኮሬሽን እንደሆነና የግ¡ውን ሂደት የሚያሳይ  ሪፖርት እንዳልደረሳቸው አብራርተዋል፡፡ በፕሮጀክቶቹ ላይ ያሉ ክፍተቶችን በመሰብሰብና  በመለየት  ለሚኒስቴሩ የሚያደርሱ ባለሙያዎች መቅጠራቸውን እና ፕሮጀክቶቹ አዋጪና በወቅቱ ተጠናቀው የህብረተሰቡን ችግር የሚፈቱ እንዲሆኑ በስፋት እየተሰራ መሆኑን ገልጸዋል፡፡

ቋሚ ኮሚቴውም ከህግ ጥሰት ጋር የተገናኙ ሰራተኞችና አመራሮች በህጉ መሰረት በሚኒስቴር መስሪያ ቤቱ በኩል ተጠያቂ ተደርገው በሪፖርት እንዲገለጽለት በሰጠው ግብረ መልስ አሳስቧል፡፡