Participate Participate

ስለ አሠሪና ሠራተኛ ጉዳይ የወጣ አዋጅ

Threads [ Previous | Next ]
Toggle
የአሠሪና ሠራተኛ ግንኙነትና አስተዳደርን በሚመለከት በአሁኑ ወቅት በሥራ ላይ ያለው የአሠሪና ሠራተኛ ጉዳይ አዋጅ ቁጥር 377/1996 በሥራ ላይ ከዋለ ከአስራ ሦስት ዓመታት በላይ በማስቆጠር የኢንዱስትሪ ሠላምን እንዲያሰፍኑ በማድረግ ለአገራችን ሁለንተናዊ ዕድገትና ልማት በመተባበርና በጋራ እንዲሰሩ ለማድረግ የራሱ አስተዋጽኦ አድርጓል።
ይሁን እንጂ አገራችን እያስመዘገበችው ካለው ፈጣን የኢኮኖሚ እድገት እና ይህንኑ ሳይቆራረጥ ለማስቀጠል ሲባል ከተነደፉት የልማት ፖሊሲዎችና ስትራቴጂዎች ጋር የሚጣጣምና በአንድ በኩል ኢንቨስትመንትን የሚያበረታታና ኢኮኖሚው በቂ ሥራ እየፈጠረ ሚዛኑን የጠበቀ የስራ ገበያ ለመፍጠር ፤ በሌላ በኩል ደግሞ ለሠራተኞች ምቹ የሥራ ሁኔታ የሚፈጥር የህግ ማእቀፍ የመቅረጽ አስፈላጊነት ታምኖበታል፡፡
ከጊዜ ወደ ጊዜ እያደገ ከመጣው የኢንዱስትሪ እንቅስቃሴ ጋር አብሮ የሚሄድ እንዲሁም የአሠሪውና የሠራተኛው የሥራ ላይ ግንኙነት ከሽኩቻ የጸዳና ሰላማዊ እንዲሆን በማድረግ ሠራተኛው ሙሉ አቅሙና ፍላጎቱ በምርትና ምርታማነት ላይ በማዋል ትርፋማነትን ለማሳደግ የሚያስችል ማሻሻያ በህጉ ውስጥ ማካተቱ አስፈላጊ ብቻ ሳይሆን አስገዳጅም ጭምር እንደሆነ  ግንዛቤ ተወስዷል፡፡
 
ከዚህም አልፎ በሥራ ላይ ያለው አዋጅ በማስፈጸም ሂደት ያጋጠሙ ችግሮችን በተመለከተ  የቀረቡ ሪፖርቶችን እንዲሁም በተለያዩ ጊዜያት በአዋጁ ላይ በሚታዩ ክፍተቶችና  ባፈጻጸም  በሚታዩ ችግሮች ላይ በአገር አቀፍ ደረጃ በተደረጉ ጥናቶችና አውደ ጥናቶች ተለይተዋል፡፡ የተለዩት ችግሮች ከባለ ድርሻ አካላት በተለይም ከኢትዮጵያ አሠሪዎች ፌዴሬሽንና ከኢትዮጵያ ሠራተኞች ማኅበራት ኮንፌዴሬሽን ጋር ተከታታይ ምክክር የተደረገባቸው ሲሆን በእነርሱም በኩል ቢሻሻሉ ተገቢ ነው ተብለው የቀረቡ የተለያዩ ርእሰ ጉዳዮች በታሳቢነት ተይዘዋል፡፡ ከዚህም በተጨማሪ ሀገራችን አባል የሆነችበት የዓለም ሥራ ድርጅት (ILO) በተለያዩ ጊዜያት በአዋጁ ላይ ያቀረባቸው የማሻሻያ ምክረ ሃሳቦች መነሻ በማድረግ የፌዴራል ሠራተኛና ማኅበራዊ ጉዳይ ሚኒስቴር ከአራት ዓመታት በላይ የፈጀ የማሻሻያ ቅድመ ዝግጅትና የአዋጅ ማሻሻያ ሰነድ ሲያዘጋጅ ቆይቷል።
0 (0 Votes)

Hello dears,

May I have please the final version of this proclamation in pdf.

Thanks in advance.
0 (0 Votes)

Quick Reply